U okviru projekta “Edukacijom i aktivizmom za ljepši grad i bolju budućnost”, pod pokroviteljstvom Opštine Kotor, održane su dvije radionice: “Volonterizmom do svoje budućnosti” i “Dobrim CV-om do svog posla”.
Radionice je vodila izvršna direktorica NVO “Naša akcija”, magistrica Patricia Pobrić. Cilj radionica je edukacija mladih o karijeri, zapošljavanju i ispravnom pisanju CV-a.
Kulturno-umjetničko veče “ART-ivizam” mladih održano je u galeriji Kulturnog centra. Pomenuti program omogućio je postor za kulturno afirmisanje mladih i upoznavanje javnosti sa mladim umjetnicima.
Svojim radovima i muzičkim programom mnogobrojnu publiku oduševili su: eko fotografi Jana Raičević, Aleksandra Drecun, Anđela Jojić i Marta Martinović, likovni umjetnici Milena Mandić, Milica Šuškavčević, Aleksandra Drecun, zatim, grafički umjetnici Gaja Barović i Gabriela Pobrić, face art umjetnici Petar Raičević i Vera Marović, te sprej art umjetnici Nikola Petrić i Slavo Božović.