Direktor Turističke organizacije Mirza Krcić posjetio je Osnovnu školu “Narodni heroj Savo Ilić”, radi upoznavanja učenika četvrtog razreda sa kulturnim i istorijskim nasljeđem grada.
Osim velike zainteresovanosti, djeca su pokazala i zavidno znanje, te Krciću poklonila vodiče i pjesme o gradu koje su sami napisali. Odgovorivši na postavljena pitanja, prvi čovjek kotorskog turizma uručio je učenicima 60 dječijih vodiča ‘Đir po Kotoru’.
Sa direktorom škole Nebojšom Kučem i njegovom asistenticom Dijanom Milošević, Turistička organizacija dogovorila je nastavak saradnje, tako da će djeca iz Dobrote i nadalje sa turističkim vodičima obilaziti grad kako bi se bolje upoznala sa svim njegovim znamenitostima.
